الدرع الرابع الدرع الكلوش
هذا الدرع ضروري قماشه يكون عرضين والافضل النقشة مانكونش طوليه لانها مابتطلعش حلوه ومعانا بالصوره طريقه تثليث القماش وهذا الدرع يكفيه ٢,٥متر نعطف القماش بالطول نصين وبعدها من الجهة المفتوحة نعطف القماش مثلث نفس الكلوش
من راس المثلث نقيس قوس من ١٥-٢٠سم مش ثابت لانه بنفعله زم فحسب ماتحبي ومن هذا القوس نقيس طول الزبونه للارض ونرسم القوس الي تحت نفس مابتفعلي مع التنورة الكلوش بالضبط احيانا تكون الزبونه طويله فالجوانب تقصر بس الوسط تقدري تطوليه على قدها
الياقه الامامية نفعل دخول ٦سم ونزول ٩-١٠ ونرسم فتحة الرقبه وبعدها نرسم قوس الرقبة على مسافة ٤سم ونفعل ميلان بسيط للكتف
ياقة الامام وشكلها وهيه مفتوحة
ياقة الخلف نفس خطوات الامام بس بتكون مرتفعه قليل لان فتحه رقبه الخلف اصغر المهم حجم القوس نفس الامام ٤سم
الشكل النهائي لياقة الخلف تكون قطعتين ومعانا زوائد ازرار او طقطق
الشكل النهائي نفعل لراس القطعه الكلوش زم قبل تركيبها على الياقة ونحدد مكان التخصيرات العلويه ونخصر الدرع بعد برم الاطراف قبل كل شي عشان مايتبهذل القماش
ولاننسى نخلي فتحة الكم ١٧سم نزول او اكثر قبل التخصير من فوق
No comments:
Post a Comment